ماڭعىستاۋ وبلىسىندا اۋىلشارۋاشىلىعى سالاسىنىڭ تاۋار وندىرۋشىلەرى جانە ينۆەستورلارى باس قوسقان جيىن ءوتتى.
رەسمي مالىمەتتەرگە سايكەس, وبلىس بويىنشا 2017 جىلى اۋىل شارۋاشىلىعىنىڭ جالپى ءونىم كولەمى 13,7 ملرد.تەڭگە, ونىڭ ىشىندە ەگىن شارۋاشىلىعىندا 2,8 ملرد. تەڭگە, مال شارۋاشىلىعىندا 10,9 ملرد. تەڭگە بولدى. جالپى ءونىمنىڭ ناقتى كولەم يندەكسى (نكي) –108,2% ونىڭ ىشىندە ەگىن شارۋاشىلىعىندا 133%, مال شارۋاشىلىعىندا 108,2% قۇرادى.سونىمەن قاتار جالپى كولەمى 20 گەكتاردى قۇرايتىن 27 جىلىجاي جۇمىس ىستەۋدە. 2018 جىلى الاڭى 27 گا قۇرايتىن, 31 جىلىجايلار كەشەنى جۇمىس جاسايتىن بولادى. الداعى ۋاقىتتا دا وبلىس حالقىن جەرگىلىكتى كوكونىس جانە باقشا ونىمدەرىمەن تولىق قامتۋ ءۇشىن جىلىجاي كەشەندەرىن ودان ءارى دامىتا تۇسپەك.
- ۇساق شارۋاشىلىقتاردى بىرىكتىرە وتىرىپ, ءىرى قۇرىلىمدار قۇرۋدى كوزدەگەن ۇكىمەت ساياساتىن جۇزەگە اسىرۋ ماقساتىندا 2016-2017 جىلدارى وڭىردە 20 اۋىل شارۋاشىلىعى كووپەراتيۆتەرى قۇرىلدى. بۇگىنگى تاڭعا 3 كووپەراتيۆ («بەينەۋ» (مال سويۋ پۋنكتى), «بەرگەن بەك» (مال سويۋ پۋنكتى), «سەگىزباي اتا» (ەت كونسەرۆىلەۋ) قىزمەتىن جولعا قويىپ, جۇمىس باستادى. ەلباسىمىز شاعىن جانە ورتا بيزنەستى بارىنشا قولداۋ, سونىڭ ىشىندە نەسيە رەسۋرستارىنا قولجەتىمدىلىكتى جەڭىلدەتۋ كەرەك ەكەنىن باسا ايتىپ كەلەدى.وسى باعىتتا 2017 جىلى رەسپۋبليكالىق بيۋدجەتتەن بولىنگەن 474 ملن تەڭگە تولىقتاي يگەرىلىپ, ناتيجەسىندە اۋىلدىق ەلدى مەكەندەردە تۇراتىن 130 ازاماتقا شاعىن نەسيە بەرىلىپ, 219 ادام جۇمىسپەن قامتىلدى. 2018 جىلعا بۇل قارجى 4 ەسە ءوسىپ, 2,0 ملرد. تەڭگەنى قۇراپ وتىر.2018-2019 جىلدارى قۇس ەتىن ءوندىرۋ فابريكاسى, قۇس شارۋاشىلىعى, كوكونىس ساقتاۋ قويمالارى, جىلىجايلار كەشەنى قۇرىلىسى سياقتى ءىرى جوبالار ىسكە اسىرىلاتىن بولادى, دەدى ماڭعىستاۋ وبلىسىنىڭ اكىمى ەرالى توعجانوۆ.
ستاتيستيكالىقمالىمەتكەسايكەس 2017 جىلى 2016 جىلمەنسالىستىرعاندا:
ىرىقارا – 17 000 باس بولىپ, 12,9% -عاوسسە, قوي– 279 000 باس بولىپ, 1,3%-عاوستى. ال, ەشكى – 87 000 باس بولىپ, 9,7%-عا ءوستى, جىلقى – 66 000 باس بولىپ, 4%-عا ءوستى. سونداي-اق, تۇيە – 55 000 باس بولىپ, 2,9%-عا وسسە, قۇس – 37 000 باس بولىپ, 25,8% ءوستى.وڭىردە بارلىعى 138 000 باس ءىرى قارا مال, 366 000 باس ۇساق مال – بارلىعى 504 000 باس مال بار دەپ ەسەپتەلەدى.
-ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى نەگىزىندە اۋىلدىق ەلدى مەكەندەردە اۋىل شارۋاشىلىعىن دامىتۋ ماقساتىندا بەرىلەتىن كرەديت بويىنشا 2017 جىلى رەسپۋبليكالىق بيۋدجەتتەن 474 000,0 مىڭ تەڭگە قارالىپ, تۇگەلدەي يگەرىلدى (اۋىلدىق ەلدى مەكەندەردە تۇراتىن 130 ازاماتقا شاعىن نەسيە بەرىلىپ, 219 ادام جۇمىسپەن قامتىلدى). ال 2018 جىلى 490 251,0 مىڭ تەڭگە ءبولىندى. (150 ادامعا كرەديت بەرىلىپ, 250 ادام جۇمىسپەن قامتىلادى دەپ جوسپارلانۋدا.) قوسىمشا 1,5 ملرد. تەڭگە قارجى سۇرالۋدا», - دەدى ماڭعىستاۋ وبلىسىنىڭ اۋىل شارۋاشىلىعى باسقارماسى باسشىسى سەرىك قالدىعۇل.
سالاداعى جۇمىستار جالعاسىن تابۋدا. بيىلعى 6 اي ىشىندە مۇنايلى اۋدانىندا جىلىنا 1000 توننا ءونىم بەرەتىن جاڭا يننوۆاتسيالىق تەحنولوگيامەن جابدىقتالعان 3 گا جىلىجاي قۇرىلىسى اياقتالدى. قازىرگى ۋاقىتتا قوسىمشا كەڭەيتۋ جۇمىستارى جۇرگىزىلۋدە. جوبا 2018 باستاپ ىسكە قوسىلدى. 42 جۇمىس ورنى اشىلادى دەپ كۇتىلۋدە. سونداي-اق, 50 توننا قيار شىعاراتىن قاراقيا اۋدانىنداعى «سەنەك» جشس بازاسىنداعى 0,3 گا جىلىجاي كەشەنى قۇرىلىس جۇمىستارى اياقتالدى. 10 جۇمىس ورنى اشىلادى دەپ كۇتىلۋدە.جىلىنا 143 ملن. دانا جۇمىرتقا وندىرەتىن فابريكا قۇرىلىسى جوسپارلانۋدا, ول ىسك ەقوسىلعان كەزدە50 جۇمىس ورنى اشىلماق. تۇپقاراعان اۋدانىنداعى اقشۇقىر اۋىلىنداعى 3گا جىلىجاي كەشەنىن كەڭەيتۋ قۇرىلىسى جۇمىستارى اياقتالۋدا, ول 15 جۇمىس ورنىن اشۋعا لايىقتالعان.
جوسپارلانعان جوبالار اراسىندا 15 ادامعا جۇمىس ورنى تابىلاتىن اقتاۋ قالاسىندا 2 گا جىلىجاي كەشەنى قۇرىلىسى مەن 115 ادامنىڭ جۇمىس ورنىنا اينالاتىن تۇپقاراعان اۋدانى قۇس ەتى زاۋىتىن سالۋ بار.
2018 جىلعا جوسپارلانعان جوبالاردىڭ ينۆەستيتسيالىق قۇنى شامامەن 8, 808 ملرد تەڭگە قۇرايدى. بارلىعى 237 جۇمىس ورنى اشىلادى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى